環台第11日

起左身，又係去行車店。行左去specialized concept store，正到無朋友。之後去左買眼鏡框，35折買左2副。之後就去pack車回港了

總結，台灣之旅好開心，不算危險（下坡除外）。最緊要有support car

環台第10日

一起身去食左個好正既早餐，之後去行車店，行誠品，幫朋友買野，買野俾朋友。夜晚去左食牛肉面，正。個湯好濃

環台第9日

起身未食早餐就checkout搬去第2間酒店，食完野之後就去左行單車店。之後去左食肉燒烤放題，又一day

環台第8日

無車踩既日子真係無聊，一早食完早餐去左行誠品，之後去搵單車店行街睇野，夜晚去左食紅蟹將軍天鍋涮涮鍋。好飽咁就返左去訓

環台第7日

今日行巴拉卡公路上陽明山同擎天崗，之後就去左車鋪打包。o係永和區落腳食dinner訓覺

環台第6日

今日上左五指山及風櫃嘴，之後行海邊去淡水。好正，斜路唔算好長，之後海邊又唔算大風，可以高速玩TTT。

夜晚去左行老街，食左好多野，飲左個好好飲既白肉苦瓜汁

環台第5日

今日又上山，上到一半落大雨，o係山頂停左好耐，一起車又再落，仲行晒雷，真係brake都brake唔到。。

lunch同dinner都係掃街，正。仲經過好多小食店門口添

環台第4日

今日起身後上左support car，一直坐到夜晚

琴晚成4點先訓，第2朝都無咩力去踩，所以今日做左camera man。加上天氣又落雨，上車安全d。一段小平路後，上左個又長又斜既大坡，幾km上成9百幾m高，加上天氣時熱時雨，都幾煩人。下午食左個茶葉炒飯後繼續行程，都幾早就到左民宿，約3／4點。之後就出左去深坑老街掃街，supermarket買左少少野就回程返去訓覺

希望聽日可以踩番車吧

環台第3日

琴晚在山上過夜，由於要改路落山，所以轉左去礁溪浸溫泉。中途食左3餐，好飽，亦用左唔少錢...

今日行左8x km，由12xx m高落番到0-100 m，我落斜宜家信心大左少少。。不過好睇對手(條路)同天氣，如果太窄既路，都係算了吧。

溫泉我無浸上身，但一冷一熱整病自己。所以只係浸左大小腿。都好似鬆左D既，今晚唔著compression試下先

環台第2日

今日原定路線約100km，踩左大約52公里就上左車，因為落大斜，之後就落番車繼續踩。中間有D意外又唔肯定路線，慢左少少。最後上左個大山去左大同鄉住宿。好平，野食又算係咁。今日total travel左~100km

今日坐左o係車上一陣，同司機大哥傾計，又見識到唔少野。幾好幾好

入住後見到新聞台灣地震，安全緊要，唔上武嶺了，改東行去飲飲食食

環台第1日

1 June 2013

Hong Kong Airlines 飛機算ok，無delay

落地由於機場外圍不能踩車，所以坐車去左出面搵個空地砌車，順利完成。運送總算無暴力，個盒好完整無花無爆開。

今日爬既都係小坡，無咩問題。開始有番上山既感覺，留力武嶺。

台灣既路都ok，唔似開始一段段好短既路用唔同material去鋪。我地慢車係靠右踩，要小心既係一般路邊都會有少量沙石，有D驚會界爆呔。

台灣既司機都幾nice，成日都未試過夾單車。仲留兩至三米路邊俾我地。very nice

停左3次7-11，真係好多野買，好正